Offentleg ettersyn
Kunngjering:
Kommuneplanens arealdel for Ål 2023-2035 - Bustad og næring
PlanID 20200002
Ål kommunestyre vedtok, i medhald av plan- og bygningslova § 11-15, Kommuneplanens arealdel for bustad og næring 2023-2035 i sak 83/25 i møte den 16.10.2025.
Kommuneplanens arealdel er juridisk bindande og angir hovudtrekka i arealdisponeringa for grendene i Ål, med unntak av Sundre som er ein eigen kommunedelplan.
Kommuneplanens arealdel for fritidsbustader kjem i neste runde.
Arealdelen består av plankart, temakart, føresegner og retningslinjer, samt planskildring. Det er også utarbeidd konsekvensutgreiing og risiko- og sårbarheitsanalyse av planen.
Planprosessen starta i 2020 og det har vore motsegner frå Statsforvaltaren i Østfold, Buskerud, Oslo og Akershus, Buskerud fylkeskommune og Statens vegvesen. Dei siste motsegnene til planen, frå Statens vegvesen, vart løyst i meklingsmøte 26.08.2025.
Alle saksdokument og fleire temakart ligg på nettstaden arealplaner.no med planID 2020002.
Under ligg dei mest sentrale saksdokumenta vedlagt:
Planføresegner og retningslinjer
Plankart
Planskildring
Kommunestyrevedtak med saksframlegg
Konsekvensutgreiing
Vedtak av kommuneplanens arealdel kan ikkje påklagast jf. plan- og bygningslova § 11-15
Leikvollstølen
Kunngjering av planvedtak - Reguleringsendring Leikvollstølen - Torpoåsen, planID 2009001
I samsvar med plan- og bygningslova § 12-12 vedtok Ål kommunestyre i møtet den 16.10.2025, sak 85/2025, Reguleringsendring for del av Detaljreguleringsplan Leikvollstølen, planID 2009001.
Reguleringsendring for del av Detaljreguleringsplan Leikvollstølen – Torpoåsen, planID 2009001 vart først vedteken av kommunestyret 20.02.2025, men det kom inn klage på vedtaket.
I klagehandsaminga i Sektorutvalet for teknisk, næring og ressurs vart det vedteke å flytte to tomter innanfor planområdet. Denne kunngjeringa gjeld difor dette nye planforslaget.
Kommunestyret sitt vedtak kan i samsvar med plan- og bygningslova §§ 12-12 og 1-9, og jf. forvaltningslovas kap.VI, påklagast til departementet.
Det kan ikkje klagast på tilhøve som tidlegare har vore avgjort etter klage eller motsegn på detaljreguleringa. Klagefristen er tre veker, rekna frå den dagen vedtaket kom fram.
Ei eventuell klage må sendast skriftleg til Ål kommune, Torget 1, 3570 Ål, eller på e-post til postmottak@aal.kommune.no. Ein må opplyse om datoen for mottak av vedtaket, kva for vedtak ein klagar på, endringar ein ynskjer og dei grunnar klagen støttar seg på. Klagen må vere underskriven.
Eventuelle krav om erstatning eller innløysing må fremjast skriftleg til Ål kommune innan 3 – tre – år frå denne offentlege kunngjeringa av reguleringsvedtaket jf. plan- og bygningslova §§ 15-2 og 15-3.
Alle saksdokument ligg på arealplaner.no med planID 2009001, og her ligg dei mest sentrale saksdokumenta.
Planføresegner
Plankart
Planomtale
Kommunestyret sitt vedtak
Høyringar
Høyring – Upstream - Akvakultur i Kleivi Næringspark i Ål kommune
Upstream Aqua AS, saman med Ål kommune, offentleggjer her ei høyring i samband med «Søknad om akvakultur i landbaserte anlegg – Upstream». Direkte berørte partar vil få melding om saka. Ei oppsummering av tiltaket finn ein på Upstream Aqua AS sine heimesider:
www.upstream-aqua.com/blog.
Det er ôg laga «spørsmål/svar» på Upstream sine heimesider kor alle kan finne meir informasjon.
Upstream Aqua AS - Kleivi Aquapark
Søknad om konsesjon Upstream Aqua AS
Send høyringssvar til Ål kommune. Høringsfristen er sett til 21. januar 2026.
Du kan sende innspel elektronisk via denne lenka. eller til Ål kommune, Torget 1, 3570 Ål.
Du kan og sende innspel til postmottak@aal.kommune.no
Høyringsuttalane som kjem inn vil bli vidaresendt til Buskerud Fylkeskommune utan vidare handsaming.
Kommunedelplan for naturmangfald 2026 - 2030
Kommuneplanutvalet har i møte dagsett 12.01.2026, sak 4/2026, vedteke å legge forslag til kommunedelplan for naturmangfald ut på høyring, jf. plan- og bygningslova § 11-14.
Kommunedelplan for naturmangfald
Har du innspel send dei til: Ål kommune, Torget 1, 3570 Ål, elektronisk via denne lenka, eller med e-post: postmottak@aal.kommune.no.
Høyringsfrist er 27.02.2026.
Merk innspelet med: Kommunedelplan for naturmangfald.