Kontaktinformasjon
Sakshandsamar er Tonje Tufto,
Tlf: 32 08 50 00, Ål kommune, Servicetorget
Skjenkeløyve
Når treng du skjenkeløyve?
Alle som driv ein serveringsstad og ønsker å skjenke alkohol må søke om skjenkeløyve. Skjenkeløyve gjeld vanlegvis i fire år.
- Når du har serveringsløyve frå før og ønsker å skjenke alkohol, må du søke om skjenkeløyve.
- Når du skal starte ein serveringsstad med skjenking må du søke om skjenkeløyve før oppstart.
- Når du har overtatt ein eksisterande serveringsstad, må du søke om skjenkeløyve. Du kan drive vidare på tidlegare eigar sitt løyve i maks tre månader medan du ventar på at din søknad vert behandla.
Det kan søkjast på elektronisk eller manuelt skjema.
Fast skjenkeløyve
Søknad om skjenkeløyve - elektronisk
Søknad om serveringsløyve/skjenkeløyve - elektronisk
Vedlegg du må ha med i søknaden
- firmaattest for alle selskap som er involvert i drifta. Last ned firmaattesten frå altinn.no
- foretaksregisteret si rolleoversikt for fysiske personar som eig meir enn ein tredel av føretaket og for føretaket sin daglege leiar. Last ned rolleoversikta frå altinn.no
- skatteattest for driftsselskapet. Du kan bestille skatteattesten på altinn.no
- teikning av lokalet med avmerking for inne- og uteservering
- vitnemål frå kunnskapsprøve om alkohollova som stadfestar at styrar og vikar for styrar har greidd prøva
- såkalla "konseptutgreiing": opplysningar om kva slag skjenkestad det er, målgruppe, opningstider, eventuell underhaldning eller anna verksemd i tilknyting til skjenkestaden
Endring i løyve
Er det endring i skjenke/sal/serveringsløyva: areal, styrar, vikar for styrar etc. Bruk dette skjema til å sende inn endringen.
Elektronisk skjema
Korleis få skjenkeløyve?
- styrar og vikar for styrar må ha bestått kunnskapsprøve i alkohollova for å kunne søke om skjenkeløyve
- dagleg leiar må ha bestått etablerarprøva for å kunne søke om serveringsløyve
- styrar og vikar for styrar må vere over 20 år
- styrar og vikar for styrar må vere tilsett på staden eller arbeide der i kraft av eigarstilling
- det er krav om uklanderleg vandel
Kor lang tid tek det?
Det kan ta opptil tre månader før du får svar på søknaden. Søk difor i god tid før oppstart.
Kva kostar det?
Det er gratis å søke om skjenkeløyve, men alle som har eit skjenkeløyve skal betale årleg bevillingsgebyr til kommunen. Dette gjøres ved å melde inn forventa omsetning - omsetningsrapport.
Lov forskrift og lokale vedtak
Alkoholpolitiske retningsliner
Store arrangement - sikkerhet og sjekkliste
Når ein skal halde store arrangement, kan det vera vanskeleg å hugse på alt som må ordnast og informerast om. Det er difor utarbeida ei sjekkliste som skal gjere det enklare for arrangørane å halde oversikt over alle gjeldande lovar og reglar. Sjekklista er utarbeidd i samarbeid med lokalt brannvesen og mattilsyn.
Me ønskjer dykk lykke til med vidare planlegging av arrangement!