Ål kommune har starta eit tverrfagleg prosjekt for å sikre at nybusette flyktningefamiliar med barn frå 0-18 år får tidleg og god oppfølging. Gjennom heimebesøk, informasjon og tett samarbeid mellom tenestene skal familiane oppleve tryggleik, inkludering og enkel tilgang til hjelp og støtte.
Prosjektet omfattar mellom anna informasjon om foreldrerolla, barn si utvikling, kommunale tenester og fritidstilbod. Målet er å fange opp behov tidleg, styrkje foreldra i kvardagen og leggje til rette for at barn og familiar blir aktive deltakarar i lokalsamfunnet.
Prosjektet går frå 2026 til 2028 og er eit samarbeid mellom Ål Introsenter, helsetenestene og Familiens hus. Gjennom systematisk oppfølging ønskjer kommunen å skape gode oppvekstvilkår og styrke inkluderinga for flyktningefamiliar i Ål.