Adresse
Postadresse: Torget 1, 3570 Ål
Besøksadresse: Gartnarvegen 1, 3570 Ål
Styrar
Styrar: Eli Hundven Smedsplass
Tlf: 940 28 297
Assisterande styrar: Rebecca Andrea Egeland Anthun
Tlf: 920 88 590
Telefonummer avdelingane
Generell informasjon
Sundre barnehage heldt til på Prestegardsjordet i Ål sentrum og har seks avdelingar fordelt på to hus, Hallingstugu og Låven, med tre avdelingar på kvart hus.
Stugu og Bråtet er for barn 3-5 år, Kleven og Lue er for barn 2-3 år, Kammerset og Skålen er for barn 0-2.
Vi har eit stort og variert uteområde, med eigen leirplass, potetåker og små grønnsakskasser. Barnehagens nærmaste nabo er Ål skulepark som er eit tilrettelagt park- og aktivitetsområde med bl.a. hinderløype, klatrestativ og plass for ballaktivitet. Vi har gangavstand til Ål kulturhus, med bibliotek og Ål Idrettspark på Bråta.
Verdigrunnlag
Vår pedagogiske praksis byggjer på eit verdigrunnlag som består av visjon, mål, pedagogisk grunnsyn og arbeidsmåtar. Verdigrunnlaget er styrande for arbeidet i barnehagen og ligg som ei ramme kring verksemda.
Verdigrunnlaget for Sundre barnehage består av visjon, mål, pedagogisk grunnsyn og arbeidsmåtar og dannar grunnlaget for vår pedagogiske praksis. Verdigrunnlaget er styrande for arbeidet i barnehagen og ligg som ei ramme kring verksemda. Inni ramma skal barn, tilsette og føresette ha plass til medverknad. Vi har årleg evaluering av verdigrunnlaget, sett opp mot rammeplan, Oppvekst 2030 og satsingsområda i sektoren og regionen.
Visjon skal illustrere kva vi som tilsette i Sundre barnehage skal strekke oss etter og visjonen er ein draum for korleis vi ynskjer at praksisen vår skal sjå ut i kvardagen vår. Visjonen skal være berekraftig i den forstand at visjonen skal ta vare på barna sitt behov i dag, men også i framtida. Visjonen til Sundre barnehage er «Leik, lær og le – le, lær og leik». I praksis vil vi som tilsette være saman med og støtte barna i leik og aktivitet, for å bidra til at barna våre trivs og utviklar seg i tråd med overordna føringar.
Mål er definert av oppvekstsektoren i Ål kommune og kjem får styringsdokumentet «Oppvekst 2030» og i Sundre barnehage arbeider mot desse: I oppvekstsektoren i Ål er Oppvekst 2030 styringsdokument med visjonen er: Open – Grundig – Modig. Hovudmålsettinga er:
- Å skape eit inkluderande oppvekstmiljø der alle ser og blir sett, slik at kvar enkelt får kraft til å meistre eigne liv.
- Stimulere ressursane og styrkane hos barn, unge og vaksne, med fokus på meistring, motivasjon, nysgjerrigheit, fellesskap, glede og læring.
Oppvekstsektoren skal støtte opp om Ål kommune sitt overordna mål om å vera ein god stad å bu og leva, med eit berekraftig lokalsamfunn. Sektoren bidreg til å oppfylle kommuneplanen 2015-2027 (Ål kommune, 2014) ved å sikre eit trygt og inkluderande oppvekstmiljø.
Eit pedagogisk grunnsyn er dei ideane og oppfatningane som ligg til grunn for våre pedagogiske handlingar. I Sundre barnehage ser vi kvarandre som like verdifulle og møter kvarandre med varme, interesse og respekt. I møte med barn, føresette og kvarandre arbeidar vi med hovud, hjarte og hender. Vi har fagleg kunnskap, omsorg og tydelegheit, samt vilje og evne til å sette desse ut i praksis. Vi har evne og vilje til fornying i ein positiv undringskultur, der vi skapar samanheng mellom nye og eksisterande moment.
Ynskjer du å lese vidare om mål og arbeidsmåtar finn du dei i Årsplan for Sundre barnehage 2026-2027.
Planar
Årsplan skal ha fleire funksjonar:
- arbeidsreiskap for personalet for å styre barnehagen i ein bevisst pedagogisk retning
- eit utgangspunkt for at føresette skal ha høve til å påverke innhaldet i barnehagen
- grunnlag for kommunens tilsyn med barnehagen
- informasjon om barnehagens pedagogiske arbeid til eigar, politikarane, kommunen, barnehagens samarbeidspartar og andre interesserte
Årsplan Sundre barnehage 2026-2027
Sjå også Felles årsplan for barnehagane i Ål kommune.
Opningstider
Barnehagen er open frå 07.30-16.30, måndag til fredag.
Barnehagen er stengd i veke 29 og 30, jul og påske.
Planleggingsdagar 2026-2027
Sundre barnehage har fem planleggingsdagar fordelt utover
barnehageåret. Desse dagane er barnehagen stengt.
Fastsette datoar for barnehageåret 2026-2027:
- Torsdag 13.08.26
- Fredag 14.08.26
- Onsdag 11.11.26
- Fredag 12.02.27
- Fredag 07.05.27
Her finn du lenkje til Informasjonshefte for føresette for barnehageåret 2026-2027.
Råd og utval
Foreldreråd består av alle foreldra i barnehagen og FAU er arbeidsutval for foreldrerådet:
- Leiar for FAU 2026-2027 er ikkje valt endå.
SU (Samarbeidsutvalet) tek avgjerdsler som er viktige for heile barnehagen. Der er føresette, tilsette og kommune v/politiker representert
- Leiar av SU 2026-2027 er ikkje valt endå.
Felles informasjon
Her finn du felles informasjon som gjeld barnehagane i Ål kommune