Ål introsenter har ansvar for busetting og etablering av flyktninger med opphaldsløyve.
Ål introsenter har også ansvar for opplæring i norsk og samfunnskunnskap for busette flyktningar og familiesameinte i Ål og Hol kommune. Skulen tilbyr i tillegg norskopplæring for arbeidsinnvandrarar og andre med behov for norskopplæring.
Ål introsenter er lokalisert på Ål kulturhus.
Opplæring i norsk og samfunnskunnskap
Ål introsenter tilbyr opplæring i norsk og opplæring til alle som har rett og/eller plikt til norskopplæring.
Målet for opplæringa er at deltakarane skal få norskferdigheiter som gjer det mogleg for dei å bruke eller bygge vidare på sin kompetanse i utdanning, i arbeid og samfunnsliv.
I tillegg skal deltakarane lære viktige trekk ved det norske samfunnet, og bli informert om rettigheiter, plikter og sentrale verdiar. Hos Ål introsenter er språkopplæringa tett knytt til arbeidslivet. Vi har eit sterkt fokus på arbeidsretta norsk for at deltakarane skal bli klare for arbeid. Gjennom ei praktisk tilnærming til norskopplæringa lærer deltakarane ord, uttrykk og kultur som blir nytta på norske arbeidsplassar. Målet er å byggje bru mellom norskopplæringa og arbeidslivet i Noreg.
Vi har tru på at arbeidsretta norskopplæring gir auka motivasjon og støttar deltakarane våre på vegen inn i arbeidslivet
Undervisning
Ål kommune og Hol kommune har eit samarbeid om norskopplæring. All undervisning for elevar frå Hol kommune skjer i Ål.
Det blir undervist i norsk og samfunnsfag måndag til torsdag frå kl. 10.00 - 14.40. Ål introsenter heldt til på Ål kulturhus.
Kurstilbod
- Alfabetiseringskurs
- Norskkurs A1-nivå
- Norskkurs A2-nivå
- Norskkurs på høgare nivå ved behov
- Samfunnskunnskapskurs
Viss du er interessert i digital undervisning er du velkomen til å kontakte teamleiar Morten Barasinski på e-post: morten.barasinski@aal.kommune.no for meir informasjon
Søknadsskjema og prisar
Dersom du ynskjer å søke om plass så må du fylle ut søknadsskjema og levere det på servicetorget i Ål kommune,eller sende til oss pr. post eller e-post. Du finn adresse på søknadsskjemaet.
Her finn du oversikt over kva det kostar
Her finn du søknadsskjema til Ål introsenter (pdf)
Prøver i norsk og samfunnskunnskap
Ål introsenter er godkjent for statsborgarprøva, prøve i samfunnskunnskap og norskprøver.
Norskprøve – munnleg kr. 1200,-
Norskprøve – skriftleg kr. 1350,- (kr. 450,- pr. delprøve)
Statsborgarprøve/samfunnskunnskapsprøve kr. 950,-
Første prøve er gratis for elevar som har rett til norskopplæring. Privatistar må betale etter gjeldande satsar.
Ta kontakt med Ål introsenter ved behov for meir informasjon.
Førebuande opplæring for vaksne (FOV)
Gol vaksenopplæring har tilbod om grunnskuleopplæring for vaksne som er busett i Hallingdal. Du finn meir informasjon her: Gol vaksenopplæring.
Regelverk og læreplanar
Les meir om kven som har rett og plikt på opplæring på Inkluderings- og mangfoldsdirektoratet sine nettsider.
Her finn du læreplanar: Læreplaner i norsk og samfunnskunnskap for voksne innvandrere.
Busetting, etablering og inkludering av flyktningar
Introduksjonsprogram
Praksisplassar
Ein flyktning som blir busett går fyrst på introduksjonsprogam. Målet med programmet er å komme i arbeid eller starte med utdanning. Deltakarane går på norskopplæring 3-4 dagar i veka og har språkpraksis 1-2 dagar. Praksisplassane er viktige for å praktisere norsk og for å få kjennskap til arbeidslivet. Ta kontakt viss du har moglegheit til å tilby ein praksisplass, eller er interessert i å høyre meir.
Bustader
Vi busett både einslege og familiar, og er stadig på utkikk etter fleire leilegheiter/hyblar. Helst sentrumsnært, men andre område kan også vere aktuelt.
For arbeidsgivarar – bransjeretta norskopplæring
Bransjeretta norskkurs kombinerer språkopplæring med bransjeretta kompetanse, slik at deltakarane utviklar norskferdigheiter som er direkte knytte til arbeidsoppgåvene i verksemda. Målet er å styrkje dei språklege ferdigheitene og motivere deltakarane til å arbeide vidare med norsken sin. Ål introsenter har dei sista åra gjennomført bransjeretta norskkurs mellom anna hos Hallingplast, Geilo Gruppen, JK Service 24, og i helse- og reinhaldsavdelingar i Ål kommune. Kursa er skreddarsydde og blir utarbeida i samarbeid med arbeidsgivar for å dekke dei behova verksemda har. Ta kontakt med oss for meir informasjon.
Kontaktinformasjon
Leiar: Silje Landsmann-Wiwe
E-post: slw@aal.kommune.no
Telefon: 91 88 66 42
Teamleiar for opplæring i norsk og samfunnskunnskap: Morten Barasinski
E-post: morten.barasinski@aal.kommune.no
Telefon: 45 97 14 30
Generelle spørsmål: introsenter@aal.kommune.no
Facebook: Ål introsenter