Røysterett ved kommunestyre- og fylkestingsval har:
Norske statsborgarar som
- har fylt 18 år innan utgangen av valåret
- og som er, eller har vore, folkeregisterførte som busette i Noreg
Statsborgarar i andre nordiske land
- som har fylt 18 år innan utgangen av valåret
- og som er folkeregisterførte som busette i Noreg seinast 30. juni i valåret
Andre utanlandske statsborgarar som
- har fylt 18 år innan utgangen av valåret
- og som har vore folkeregisterførte som busette i Noreg samanhengande dei tre siste åra før valdagen
Ansatte i diplomatiet eller konsulatvesenet og deira husstand har røysterett sjølv om dei ikkje oppfyller busettingskriteriet. Viss dei ikkje nokon gang har vore registrert som busett i Noreg, skal dei manntalsførast i Oslo kommune.
For å kunne røyste må du vere innført i manntalet i ein kommune.
Står du i manntalet?
Manntalet er oversikta over alle som har røysterett i ein kommune.
Alle med stemmerett blir automatisk førte inn i manntalet i den kommunen der dei var registrert i Folkeregisteret som busette pr. 30. juni i valåret.
Dersom du har flytt til ein annan kommune etter 30. juni i valåret, er du framleis registrert i manntalet, og har røysterett, i den kommunen du flytte frå.
Valmanntalet for Ål kommune ligg ute til offentleg ettersyn så snart det let seg gjera etter 1. juli i valåret og til og med valdagen på følgjande stader:
Servicetorget på Tingstugu
Om du er manntallsført i ein annan kommune kan du likevel røyste på førehand i Ål, men du kan ikkje røyste i Ål på sjølve valdagen.
Manntalet vert gjort tilgjengeleg for Ål kommune 1. juli. Oppdateringar/rettingar etter dette kan berre skje i særskilde høve. Om du meiner det er feil i manntalet må du ta kontakt med valstyret i kommunen snarast. Krav om retting skal vere skriftleg og grunngjeve.
For veljarar busette i utlandet gjeld:
Om du bur i utlandet, men har vore folkeregistrert som busett i Noreg ein eller annan gang dei siste ti åra, blir du automatisk ført inn i manntalet i den kommunen der du var registrert som busett da du flytta frå Noreg.
Dersom du ikkje har vore registrert som busett i Noreg dei siste ti åra, må du søkje den siste bustadkommunen din om å bli ført inn i manntalet. Du søkjer ved å skrive under på den omslagskonvolutten som blir brukt ved førehandsrøysting utanriks. Viss du førehandsrøyster i Noreg eller ikkje nyttar den nemnde omslagskonvolutten, må du søkje særskilt. Dette kan du gjere i eit vanleg brev eller ved å bruke skjemaet som du finn under.
Søknaden må innehalde ei erklæring om at du framleis er norsk statsborgar. Søknaden må kome fram til valstyret i den kommunen der du sist var registrert i folkeregisteret som busett innan dagen etter valdagen kl. 17.00.
Du kan søkje i eit vanleg brev eller ved å nytte skjemaet som du finn her:
Søknadsskjema for innføring i manntalet:
Soknadsskjema_innforing_manntall_2023 - PDF
Soknadsskjema_innforing_manntall_2023.doc - word