Ål kommune har tilskotsordningar til frivillige lag og organisasjonar som du kan lese meir om i nedtrekkmenyane nedanfor. Her finn du og informasjon om kulturpris og stipend til ungdom.
Viktige fristar å merke seg er:
15. november - Kulturpris og stipend
15. desember - Kulturtilskot og arrangementstilskot
Kulturtilskot
Før du søker, ber me deg om å lese retningsliner for kulturtilskot.
Både einskildpersonar, grupper, lag og organisasjonar kan søke kulturtilskot frå Ål kommune. Det er politiske føringar på tildelingane.
Prosjekt og einskildarrangement kan også nytte same søknadsskjema gjennom heile året. Søk seinast fire veker før prosjektet tek til eller arrangementet skal haldast.
Det finst ulike tilskotsordningar under kultur:
- Lag for og med born og unge
- Musikk
- Grendehus
- Idrett
- Generelle
Søknadsfristen for tilskot til drift er 15. desember kvart år. Søk gjennom skjemaet under.
Viss du er usikker på kva tilskotsordning du skal søke på, kan du kontakte Servicetorget.
Søknadsskjema for kulturtilskot
Arrangementstilskot
Organisasjonar, institusjonar og personar i Ål kommune kan få tilskot til å utvikle og realisere kultur- og idrettsarrangement. Søknadsfristen er 15. desember kvart år.
Retningsliner for tilskot frå Arrangementsfondet
- Arrangementsfondet gjev tilskot til lokale arrangement som har stor marknadsføringsverdi for Ål.
- Det kan og løyvast tilskot til eksterne arrangørar som ynskjer å ha eit arrangement i Ål.
- Tilskot kan løyvast til alle typar utgifter i samband med arrangementet.
Det blir ikkje gjeve tilskot til lands- og fylkesorganisasjonar.
Arrangement som primært har som oppgåve å ta vare på medlemene sine yrkes- og eller økonomiske interesser og organisasjonar som ikkje er opne for alle, kan ikkje rekne med å få tilskot.
Reine kommersielle tiltak har ikkje rett på tilskot.
Søknader om tilskot til arrangement vert saksbehandla av kultursjef og næringsrådgjevar. Næringsstyret vedtek løyving på første møte i året.
Søknadsskjema for arrangementstilskot
Integreringstilskot
Som eit ledd i arbeidet med å integrere flyktningar i lokalsamfunnet Ål ynskjer kommunen å yte tilskot til dei frivillige lag og organisasjonar som har eit særskild fokus på slike aktivitetar.
Søknad om tilskot kan gjelde både fast og einskilde arrangement og kan sendast gjennom heile året.
Søknadsskjema for integreringstilskot
Tilskot frå Ål Musikkråd
Tilskot frå Ål Idrettsråd
Idrettslag og undergrupper tilslutta Norges Idrettsforbund kan søke Ål Idrettsråd om midlar til å dekke trenar- og leiarutdanning.
Legg ved dokumentasjon på kurset i søknaden.
Søknad sender du til postmottak@aal.kommune.no
Eksterne tilskotsordningar for kultur og idrett
Her kan du finne tilskotsordningar:
Tilskudd.no
Idrettsforbundet
Kulturdirektoratet
Stipendportalen.no
Støtteordninger.no
Viken Fylkeskommune
Kulturtanken
Norsk Musikkråd
Musikkontoret
Music Norway
Kulturrom
Frifond
Lottostiftelsen
Klubben.no
Anleggsregisteret
Sparebankstiftelsen
Gjensidigestiftelsen
Sparebankstiftelsen Hallingdal
Kulturpris
Prisen er eit trykk av Trond Andersson og 10.000,- kroner.
Alle som ynskjer det kan koma med grunngjevne framlegg til kandidatar.
Sektorutval for kultur og oppvekst kan også sjølv koma med framlegg til kandidatar.
Søknadsfrist: 15. november kvart år.
- Søknadsskjema: ingen
- Alle framlegg skal sendast til postmottak@aal.kommune.no
Sektorutval for kultur og oppvekst vurderer søknadene og avgjer tildelinga.
I 2022 var det Trond Anderson som fekk den gjeve prisen.
Kulturprisvinnarar fram til 2020
Stipend til ungdom
Ål kommune deler eitt kulturstipend og eitt idrettsstipend til ungdom som lukkast med prestasjonar i sine aktivitetar og slik representerar lokalsamfunnet Ål på ein framifrå måte. Stipendet skal gje ungdomane inspirasjon og høve til å vidareutvikle seg innan sitt felt.
Stipenda er på 10 000 kroner kvar.
Kriteria for tildeling av stipend:
1. Stipendet skal gå til einskildpersonar eller/og grupper av personar som har bustadadresse i Ål
2. Aldersgruppe: 15-24 år
3. Den einskilde ungdom kan sjølv søkje om stipend og andre kan sende inn framlegg til kandidatar
4. Det skal leverast ei grunngjeving med søknaden/framlegget
Dei ulike kandidatane kan drøftast med relevante fagmiljø (Ål idrettsråd, Ål musikkråd, utøvande/fagpersonar innan aktuelle felt).
Søknadsfrist: 15. november kvart år.
- Søknadsskjema: ingen
- Alle framlegg skal sendast til postmottak@aal.kommune.no
I 2022 vart ungdomsstipend for kultur tildelt Olav Andreas Stræte Lie, og ungdomsstipend for idrett vart tildelt Ingrid Gullhagen.
Stipend for ungdom - vinnarar fram til og med 2020
Sektorutval for kultur og oppvekst vurderer søknadene og avgjer tildelinga.
Prisen vert delt ut i Kommunestyret i desember.