Statistikk viser også at personar over 70 år har fire til fem gonger høgare risiko for å omkome i brann enn resten av befolkninga.
Som ein del av eit tverrfagleg brannførebyggjande samarbeid mellom helsevesenet, det lokale el-tilsynet og brannvesenet blir det gjennomført Kjøkenprat-kampanjen i Hallingdal no i haust.
Med nokon enkle grep kan du bidra til å redusere brannfaren hos eldre du kjenner. Ta difor den viktige «Kjøkenpraten» der de snakkar saman om kva for brannfarer som finst i heimen, og kva ein kan gjere for at brannsikringablir betre. Temaer her kan vere:
- Matlaging og brannsikring på kjøkenet
- Trygg bruk av elektriske produkt og gode laderutinar av småelektronikk
- Varsling og rømningsvegar
- Gode fyringsvaner i omnar og eldstader
- Slokking av brann
- Levande lys og røyking
Som pårørande er det ei rekke brannførebyggjande tiltak som ein kan hjelpe til med. Dette kan vere:
- Sjekk at røykvarslarar fungerer og kan høyrast i heile huset, også når soveromsdøra er lukka
- Sørge for slokkeutstyr som bebuaren klarer å bruke
- Installering av komfyrvakt
- Reingjere filteret i kjøkenvifta
- Legge til rette for at røyking kan foregå på ein trygg måte
- Passe på at gardiner, dukar og møblar er i god avstand frå panelomnar
- Rydde bort lysmansjetter, brannfarlege dekorasjonar og ustødige lysestaker
Kjell Arne Liahagen frå brannvesenet, Gunn-Bjørg Thoen fra heimetenesta i Ål Kommune og Terje Erik Loftsgard frå Det Lokale El-tilsynet (DLE) er alle samarbeidspartnarar for å auke brannsikringa hos heimebuande eldre i Hallingdal.