Er du ein tydeleg og strukturert leiar med høg relasjonskompetanse?
Då vil vi ha deg med på laget, og saman vidareutvikle ein av Ål kommune sine gode læringsarenaer.
Frå 01.08.26 treng Nedre-Ål skule ny rektor i 100 % fast stilling, då vår rektor gjennom mange år går av med pensjon.
Ål kommune har 3 barneskular og ein ungdomsskule. Nedre-Ål skule har om lag 220 elevar på 1.-7. trinn, og 60 medarbeidarar. Skulen har dyktige og engasjerte tilsette og godt og tett samarbeid med føresette. Skulen har nytt og spennande uteområde, stor gymsal, og svømmebasseng. Dette gjev mange moglegheiter for variert undervisning.
I rolla som rektor ved Nedre-Ål skule vil du ha ansvar for å sikre at våre elevar er godt førebudde på utfordringane i samfunnet vårt. Som rektor vil du vera aktivt medverkande i å forme eit godt lærings- og arbeidsmiljø. Rektor er delegert budsjett-, økonomi- og personalansvar og rapporterer til kommunalsjef for oppvekstsektoren.
Du finn meir informasjon om stillinga her:
https://aal.easycruit.com/vacancy/3604199/200323?iso=nn