Til Topps leiarutviklingsprogram
Ønskjer du å lære meir om leiing og stå sterkare ved framtidige søknader om leiarstilling? Ål kommune har eit eige leiarutviklingsprogram - Til Topps.
Programmet er for nye leiarar, ass. leiarar, teamleiarar, ansvarssjukepleiarar og andre medarbeidarar som ønskjer å utvikle kompetansen sin. Det var oppstart på nytt program hausten 2022 med interne og eksterne kurshaldarar.
Første året (haust 2022–vår 2023) består av 6 heildagssamlingar i regi av interne og eksterne kurshaldarar. I tillegg blir det tilbydd individuell rettleiing.
Andre året (haust 2023–vår 2024) får deltakarane prøve seg på leiaroppgåver/-ansvar, og dei møtest att i ressursgrupper. Gruppemøta kan bli brukte til å diskutere cases som deltakarar speler inn, eller andre faglege tema.
Folkeuniversitetet på Gol
Me tilbyr støtte til følgande fag ved Folkeuniversitetet på Gol:
- Arbeids- og organisasjonspsykologi 30 STP starta 2022
- Personalpsykologi 15 STP – potensiell oppstart hausten 2023
- Motivasjonspsykologi 15 STP – potensiell oppstart i januar 2024