Informasjon om Digihelse
Digihelse er ei trygg og enkel digital teneste som gjør det mogleg å kommunisere med helse- og omsorgstenesta i kommunen via meldingar og kalender på helsenorge.no. Tenesta er utvikla for å gi både brukarar og pårørande ein enklare kvardag og betre oversikt.
Ål kommune er no i startfasen med å innføre Digihelse, og løysinga er planlagt å tas i bruk hausten 2025. I første omgang vil Digihelse gjelde tenester frå avdeling Heimestenester og avdeling Miljøterapi.
Når Digihelse takast i bruk, vil innbyggjarane få moglegheit til å:
- sende og motta meldingar frå helse- og omsorgstenestene i kommunen
- sjå avtalar om heimebesøk og avbestille besøk
- få varsel om utførte heimebesøk på SMS eller e-post
Tilsette i kommunen vil bruke Digihelse via fagsystemet Gerica, i modulen Digihelse – Innbyggerdialog.