Stallen barnehage held til på garden Gjeldokk i Øvre-Ål. Me ynskjer at barn skal få oppleve dyr og gardsliv, og difor er slike opplevingar ramma rundt kvardagen vår. Me vektlegg og bruk av dialekt, tradisjonar, forming og friluftsliv. I 2006/07 har me bygd opp vår eigen vesle gard der me har fleire slags smådyr.

I arbeidet med barna legg me vekt på leiken, og barna sine eigne innspel. Me ynskjer at barna skal få styre mykje av dagen sin sjølv, og dermed lære å ta val og omsyn til kvarandre. Samspel barn - vaksen vert difor viktig. Me ynskjer å gripe dagen utfrå barna sin ståstad.

Stallen barnehage tek imot barn frå heile Ål kommune. Dersom det er ledige plassar etter 2. opptaket, er barn heimehøyrande i andre kommunar velkomen til å søkje.

Stallen barnehage er eigd av Ingrid og Ivar Ådnegard.

Foreldrebetaling og ferieordning er den same som for dei kommunale barnehagane.