Tenesta skal rettleie personalet vedrørande innhald og organisering av spesialpedagogiske tiltak for barn med særlege behov.
Dersom personalet ynskjer hjelp i høve einskilde barn, må foreldra gi sitt samtykke før PPT kan gå inn i konkret samarbeid med barnehagen. Personalet kan ta kontakt med PPT for å drøfte generelle problem.
Vår kontakt: Helga Søland

 

Alle som arbeider i barnehage, er pålagt å gi opplysningar til barneverntenesta om dei har grunn til å tru at barn blir mishandla eller utsett for anna omsorgsvikt. Det er styrar som skal gi opplysningane til barnevernet. Barnevernet skal då undersøkje barnet sin situasjon og eventuelt sette inn hjelpetiltak. Barnevernet kan bruke barnehagen som eit tilbod for å støtte barn og foreldre, men og som eit pålegg overfor foreldra. Då blir det etablert eit nært samarbeid mellom barneverntenesta og barnehagen.
Vår kontakt: Lotte Magnussen
 

Barnehagen samarbeider med Ål helsestasjon når det gjeld tema omkring helse og utvikling hjå barn, m.a. gjennom tverrfagleg team.
Vår kontakt: Hilde Torsgard