Det skal føreliggja utsleppsløyve før ein legg inn vatn i eksisterande bygg og i nybygg. Med innlagt vatn forstår vi vatn frå vassverk, brønn og cisterneanlegg som blir ført innandørs gjennom leidning.

Eigar pliktar å søkja kommunen om løyve til utslepp av avløpsvatn frå bustadhus, hytter, turistbedrifter og liknande med utslepp mindre enn 50 pe (personekvivalentar). Søknad skal utarbeidast av fagkyndig føretak, som prosjekterer reinseanlegget ut frå type utslepp og tilhøva på tomta. Det skal og sendast søknad om utsleppsløyve til kommunen for anlegg mellom 50 og 2000 pe.

Ein skil mellom utslepp av 2 typar avløpsvatn, som båe er søknadspliktige:
* Gråvatn er utslepp av vaskevatn frå kjøkken, bad og vaskerom.
* Sanitært avløpsvatn er utslepp frå vassklosett, og kan vera blanda med gråvatn.

Dei som bur i og er brukarar av bustader, fritidsbustader, institusjonar, campingplassar, hotell, og næringsbygg som ikkje kan tilknytast offentleg avløpsanlegg.

Standardvilkåra framgår av forureiningsforskrifta. Vilkår kan også framgå av løyvet.
Ansvarleg utførande/kontrollerande føretak skal kontrollere at anlegget er lokalisert og bygd i samsvar med vilkår som framgår av løyvet. Driftsansvarleg eller eigaren av avløpsanlegget er ansvarleg for drift og vedlikehald etter forskrifta. Kommunen kan føra tilsyn.

Tiltakshavar må kontakta eit føretak som kan ha rolla som ansvarleg søkjar og prosjekterande/ fagkyndig og som vil gje rettleiing om vilkår, førundersøkingar og krav til innhald i utsleppssøknaden. Skriftleg søknad skal mellom anna innehalde desse opplysningane:
• Utsleppstype og mengd, og reinsegrad
• Oversikt over einingar som skal koplast innpå, plassering av avløpsanlegg og usleppstad på kart 
• Interesser som ein reknar med blir påvirka av etableringa
Naboar, partar og andre som i særleg grad vil bli påverka av saka, skal varslast om innhaldet i søknaden. Nabofristen er 4 veker. Ansvarleg søkjar skal vera mottakar av nabomerknader. Eventuelle merknader skal leggjast ved søknaden.

Søknadsskjema for utsleppsløyve i Ål kommune

• Vedtak om løyve eller avslag kan påklagast av partane i saka.