Miljøplanen skal vere eit hjelpemiddel for den einskilde gardbrukar til å gjere greie for og gjennomføre miljøtiltak på garden. Planen skal mellom anna bidra til meir miljøvennleg jordbruksproduksjon og synleggjere miljøinnsatsen i jordbruket. Miljøplan i jordbruket inngår som ein del av ”Kvalitetssystem i landbruket” (KSL), som dokumenterer korleis matproduksjonen går føre seg på kvart einskild gardsbruk. Miljøplanen skal ikkje sendast inn til landbruksetaten, men oppbevarast på føretaket i ti år for revisjon og kontroll.

Alle landbruksføretak som tek imot produksjonstilskot.

Miljøplan trinn 1 skal liggje føre for alle landbruksføretak som tek imot produksjonstilskot. Trinn 1 består av sjekkliste, ev. med tiltaksplan, gjødslingsplan, sprøytejournal og kart. Dersom eit føretak manglar miljøplan ved søknad om produksjonstilskot, blir tilskotet redusert etter satsar fastsette i jordbruksavtalen. Miljøplan trinn 2 skal liggje føre for landbruksføretak som i tillegg søkjer om støtte til gjennomføring av spesielle miljøtiltak i jordbruket.

Jordlova § 3 og § 18

Jordlova

Kommunen kan hjelpe med å skaffe kart og generell informasjon om miljøplanarbeidet samt opplysningar om spesielle lokale miljøverdiar og miljøutfordringar som gjeld i det aktuelle området.

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.