Retten til å jakte tilhøyrer i utgangspunktet grunneigaren. Fellingsløyve for elg, hjort, rådyr, villrein og bever blir tildelt godkjende vald (det geografiske området for jakta) utan årleg søknad. For småvilt - unntatt bever - krevst ikkje fellingsløyve.

Grunneigaren kan utarbeide ein fleirårig, maksimalt femårig, bestandsplan for vald som er godkjende for jakt på elg og/eller hjort. Kommunen skal godkjenne planen og gir i så fall eit samla fellingsløyve for heile planperioden. For villrein er det villreinnemnda som godkjenner bestandsplanar. Godkjende villreinvald får tildelt fellingsløyve for kvart enkelt  jaktår.

Grunneigarar/jaktrettshavarar.

Det må ligge føre ei godkjenning av vald for elg, hjort, rådyr, villrein og bever. Kommunen/villreinnemnda fastset minstearealet som er det arealet som grunneigaren må disponere for å få fellingsløyve for eitt dyr.

Viltlova § 16 og § 40 andre ledd

Lover:
Viltloven

Forskrifter:
Forskrift om forvaltning av hjortevilt og bever
Forskrift om kommunale viltfond og fellingsavgift for elg og hjort

Det skal ikkje søkjast om fellingsløyve. Kommunen (eller villreinnemnda) skriv ut eit årleg fellingsløyve og sender det til valdansvarleg representant. Dersom det ligg føre ein godkjend plan for bestanden, blir alle fellingsløyve skrivne ut første året for heile bestandsplanperioden. Dette gjeld ikkje for villrein, der fellingsløyvet likevel blir skrive ut for kvart enkelt jaktår.

• Du kan klage på talet på dyr du har fått fellingsløyve for (og det aktuelle arealet som ligg til grunn for dette) innan ein frist på tre veker frå du mottok løyvet.
• Klaga sender du til den instansen som har fatta vedtaket. I klaga skal du opplyse om kva du ønskjer endra i vedtaket, og grunngi dette. Kommunen/villreinnemnda vil kunne gi deg rettleiing.
• Klageinstans er Fylkesmannen for vedtak gjort av kommunen, og Direktoratet for naturforvaltning for vedtak gjort av villreinnemnda. Før klaga blir send, skal den instansen som fatta vedtaket, vurdere om det er grunn til å endre det. Dersom du ikkje får medhald fullt ut, vil saka gå vidare til klageinstansen.

Pris:
Det er ikkje fellingsavgift for rådyr og bever. Kommunen fastset fellingsavgift for elg og hjort, og Direktoratet for naturforvaltning fastset fellingsavgift for villrein.