Eigarseksjonering er ein måte å dele opp eigarinteressene i ein eigedom på når vanleg tomtedeling er praktisk vanskeleg.

Eigarseksjonering eignar seg mellom anna for oppdeling av bustadblokkar og horisontaldelte to- og firemannsbustader.

Ein eigarseksjon er ei eiga juridisk eining som kan omsetjast og pantsetjast uavhengig av resten av eigedomen eller brukseiningane

Hus- og bygningseigarar

For å få etablert ein seksjon må brukseininga (-ane) vere godkjend(e) etter reglane i plan- og bygningslova for det formålet den skal tene.

Når det gjeld eksisterande bygningar, inneber dette at pålagde bygningsmessige tiltak må vere gjennomførde før seksjoneringa kan skje.

• Det må knyttast einerett til bruk av brukseininga 
• Hovuddelen i brukseininga må vere ein klart avgrensa og samanhengande del av ein bygning på eigedomen 
• Inndelinga må gi ei formålstenleg avgrensing av kvar brukseining
  

Eierseksjonsloven

Kommunen kan kontaktast for å få hjelp til å søkje om eigarseksjonering.

Vedlegg  til søknaden:

• Planteikningar 
• Situasjonsplan - kart over eigedomen som skal seksjonerast 
• Vedtekter 
• Namneliste over dei som bur der
  

Søknader blir behandla etter kvart som dei kjem inn.

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.