Føremål
Arrangementsfondet i Ål kommune skal nyttast til å stimulere og
utvikle nye arrangement med stor marknadsføringsverdi for Ål.

Målgruppe
Alle friviljuge lag og foreningar som har teke på seg store arrangement, landsomfattande årsmøte/stemne/mønstringar, osb.
kan søke.

Vilkår
Tenesta dekkjer tilskot til lokale arrangørar, der arrangementet har stor marknadsføringsverdi for Ål.
•Tilskot kan løyvast til alle typer utgifter i samband med
  arrangementet.
•Tilskot kan ikkje løyvast til same arrangement to gonger.
•Tilskot kan ikkje løyvast til arrangørar med adresse utanfor Ål.

Saksgang
•Det er ingen søknadsfristar for arrangementsfondet.
•Saka vert avgjort av administrasjonen ved søknader under kr 50 000
  og formannskapet søknader større enn dette.
•Formannskapet vil normalt handsame saka i fyrste møte etter
  innlevering av søknaden, så sant ikkje møtedato er mindre enn 14
  dagar etter innlevering.
•Saman med søknad skal det fylgje realistisk budsjett.
•På grunnlag av søknad og budsjett avgjer administrasjonen/
  formannskapet storleiken på eventuelt tilskot.
•Dersom kostnadene er mindre enn budsjettert, blir tilskotet
  tilsvarande mindre.
•Arrangøren skal og sende ei evaluering av arrangementet og
  marknadsverdien i det til formannskapet etter at arrangementet er
  avslutta.
•Fyrste halvpart av tilskotet kan utbetalast når arrangements-
  kostnadane er komen opp i ca. halvparten av dei budsjetterte
  kostnadane. Siste halvpart av tilskotet vert utbetalt når
  arrangementet er fullført og kostnadane kan dokumenterast.
•Klage på administrativt vedtak skal sendes administrasjon for ny
  handsaming. Dersom dei held fast på vedtaket, blir klaga oversendt
  til formannskapet.
•Klage på vedtak gjort i formannskapet skal sendes formannskapet
  for ny handsaming. Dersom dei held fast på vedtaket blir klaga
  oversendt til Klagenemnda.
•Klagefristen er 3 veker.

Rettleiing
Det er søkjar si plikt å gje rette opplysningar i søknaden og å fylgje retningslinene og vilkåra som gjeld ved utbetaling av tilskot.

Det er søkjar sin rett å få svar på kven som er sakshandsamar og når
dei kan forvente å få handsama søknaden.

Dersom det er ønskeleg kan søkjaren be om møte med sakshandsamar.

Sakshandsamar vil viss det trengs kontakte søkjaren og evt. andre relevante personar/miljø for tilleggsopplysningar (Innovasjon Noreg, rekneskapsførar/revisor, bank med meir).

Retningslinene for arrangementsfondet finn du her

Søknadsskjema finn du her (word-doc)

Søknadsskjema finn du her (Pdf-doc)

For meir informasjon kontakt:
næringskonsulent Are Fosse, 32 08 50 82