Føremålet med næringstilskot er å stimulere til nyskaping, nyetablering, knoppskyting, kompetanseheving eller andre utviklingstiltak tufta på varige og lønsame arbeidsplassar og verksemder i samsvar med Strategisk næringsplan sine mål og satsingsområde.

Kommunestyret bestemmer kvart år - i samband med budsjettet - kor mykje av avkastninga som skal nyttast som tilskot til privat næringsverksemd - og kor mykje som går til kommunale løyvingar m.m.

Tilskot kan gjevast til bedriftsutvikling innanfor alle næringar:
- Planlegging og etablering av ny verksemd/knoppskyting,
- Produkt- og idéutvikling
- Marknadsføring/marknadsanalyse (ny marknad eller nytt produkt)
- Opplæring/kompetanseheving i samband med utviklingstiltak
- Fellestiltak og samdrift
- Næringsbygg

Strategisk Næringsplan for Ål 2009-2012 sine satsingsområde vert prioritert og sysselsettingseffekten skal vektleggjast.
Tiltak skal prioriterast slik:
1. Tiltak som gjev auka sysselsetting i eksisterande bedrifter (knoppskyting)
2. Tiltak som gjev auka sysselsetting gjennom nyetableringar 
(gründerar)
3. Tiltak som sikrar eksisterande arbeidsplassar

Det et ein føresetnad at tiltaket gjev betring i lønsemda for bedrifta. 

Søknadsfristar er 10. januar, 1. april, 30. juni og 1. oktober.

Her finn du retningsliner for næringstilskot i Ål kommune

Søknadsskjema i word-format finn du her

Søknadsskjema i pdf-format finn du her

For meir informasjon kontakt:
næringskonsulent Are Fosse, Tlf: 32 08 50 82