Sterk og stødig

Fallførebyggjing og styrketrening for heimebuande eldre

Omlag 40 heimebuande eldre har pr. juli 2010 gjennomført 10 vekers gruppetrening ved Ål bu- og behandlingssenter.  Målet med tiltaket er å hjelpa eldre over 75 år til å oppretthalda fysisk funksjonsevne, førebyggja passivitet og funksjonssvikt og minske faren for fall og brotskader.

Tiltaket er svært positivt og er nå i ferd med å bli eit fast tilbod frå ergo- og fysioterapiavdelinga. Mange vil gjerne fortsetja i neste 10- vekersgruppe. Men då må andre få sleppa til, seier initiativtakar og avdelingsleiar Birgit Ulshagen.