Delingsforretning

Delingsforretning er utskiljing av ein del av ein fast eigedom. Eigedomen får tildelt eige gards- og bruksnummer.

I ei slik utskiljing inngår ei oppmåling (kartforretning – sjå eigen tenesteomtale). Det er kommunen som har ansvar for å gjennomføre delingsforretningar. Unntaket er delingsforretningar på bruk som ligg under offentleg jordskifte, og som blir behandla av jordskifteretten.

Styraren for delingsforretninga ser til at nye grenser  blir stukne ut i marka i samsvar med løyve frå kommunen. Styraren kan samtykkje i mindre avvik frå det kartet som løyvet er knytta til. Dette vil kunne vere aktuelt når den nye eigedomsdelen elles ville fått ei lite tenleg form ut frå tilhøva i terrenget.

Delingsforretning er trinn 2 i ein saksbehandlingsprosess der trinn 1 går ut på at du må søkje kommunen om løyve til å dele eigedomen ( sjå eigen tenesteomtale).

Mellom anna desse kan krevje å få gjennomført ei delingsforretning:

• grunneigar(ar) 
• den som gjennom rettskraftig dom er kjend som eigar til den delen av eigedomen ein ønskjer frådelt 
• den som har innløyst festegrunn etter Lov om tomtefeste
  

Det må liggje føre løyve til deling frå kommunen.

Kommunen kan i enkelttilfelle velje å leige inn til dømes eit landmålingsfirma. Det er likevel kommunen som står ansvarleg for at ei kart- eller delingsforretning blir utført på korrekt måte. Det skal ikkje medføre auka kostnader for rekvirenten om kommunen leiger inn slik hjelp.

Kommunen må ha gitt løyve til deling, jf.  plan- og bygningslova § 93 første ledd bokstav h.

Delingslova kap. 3

Plan- og bygningslova § 93

Forskrift til delingslova

Krav (rekvisisjon) om delingsforretning skal skje skriftleg. Rekvisisjonen skal mellom anna opplyse om:

• kva som blir rekvirert (delingsforretning, kartforretning over eigedom eller festegrunn, justering av grenser m.v.) 
• omtale av grensene  
• eigar- og festeforhold  
• naboeigedomar

Kommunestyret fastset storleiken på gebyret.

• Delingsforretning kan påklagast til Fylkesmannen av dei som blir påverka av vedtaket, så som heimelshavarar, eigarar og festarar . 
• Det kan klagast over avvising av ein rekvisisjon på delingsforretning eller på sjølve gjennomføringa av delingsforretninga. 
• Klagefristen er 3 veker frå melding om vedtaket er mottatt. 
• Klagen skal sendast til kommunen, som også kan gi rettleiing.