Bustadtilskotet skal vere ei hjelp til å skaffe og sikre eigna bustader for vanskelegstilte på bustadmarknaden.

Husbanken kan gi bustadtilskot til prosjekt som medverkar til:

• bustadtiltak for huslause, rusmisbrukarar, flyktningar, funksjonshemma og andre spesielt vanskelegstilte
• at husstandar som har skaffa seg ein nøktern bustad, blir i stand til å halde på bustaden gjennom nødvendige tilpassingar/utbetringar og eventuell refinansiering
• at burettslag og sameige kan legge til rette for lett tilkomst og godt miljø i eigne husvære
• å auke talet på eigna utleigehusvære til vanskelegstilte på bustadmarknaden.

Tilskot kan givast til:

• Einskildpersonar: Etablering (heretter definert som oppføring og kjøp), utbetring, tilpassing, og refinansiering, prosjektering og eventuell utgreiing på førehand.
• Selskap, stiftingar og liknande: Etablering og utbetring av utleigebustader for vanskelegstilte, samt krisebustader for unge som er utsette for tvangsekteskap.
• For sameige, burettslag og liknande: Tilstandsvurdering for å fremje lett tilkomst og godt miljø i eigne husvære.
• Prosjektering og installering av heis i eksisterande husvære.

• Tilskot blir gitt etter ei vurdering både av dei spesielle tilpassingsbehova til søkjaren og av den samla økonomien til husstanden.
• Bustadtilskot blir som hovudregel tildelt berre ein gong, men det kan i særlege tilfelle tildelast fleire gonger. 
• For å sikre kravet om tilbakebetaling vil kommunen sikre tilskotet med pant i bustaden.

Husbanken

Husbankloven

Forskrift om boligtilskudd fra Husbanken

Husbankens retningslinjer om tilskudd

Veileder for enkeltpersoner/husstander som skal søke boligtilskudd for å skaffe seg/bli boende i egen bolig

Kommunen kan hjelpe deg med råd og utfylling av søknaden.

Den vanlegaste årsaka til avslag på ein søknad er at søkjaren ikkje blir sett på som varig økonomisk vanskelegstilt. Økonomien til søkjaren blir sett på som så god at ho/han er i stand til å nedbetale eit lån utan behov for tilskot. Ein kan klage på alle avslag, sjå nærmare informasjon nedanfor. Du kan be kommunen om ei skriftleg stadfesting på at startlån/bustadtilskot blir innvilga før ein kjøper ein bustad.

Søknadsfristen er den 14. i kvar månad, og utbetaling skjer ca. den 10. i månaden etter.

• Klage på vedtaket skal sendast innan ein frist på tre veker frå vedtaket vart mottatt.
• Klagen skal sendast til den instansen som har fatta vedtaket. 
• I klagen skal det opplysast og grunngjevast kva ein ønskjer endra i vedtaket. NAV kan hjelpe til med å skrive klagen.
• Klageinstans er Formannskapet. Før klagen blir sendt dit, skal den instansen i kommunen som fatta vedtaket, vurdere om det er grunn til å endre det. Dersom vedtaket blir oppretthalde, vil saka bli sendt til Formannskapet for klagebehandling. 
• Det blir sendt tilbakemelding om utfallet av klagebehandlinga enten frå Formannskapet eller frå kommunen.