Endring av tildelt plass/oppseiing av delar av plass

Det kan søkjast om endring av tildelt plass. Det kan søkjast om fylgande endringar:

• Søknad om utviding av SFO-plass
• Melding om redusering av SFO-plass
• Søknad om endring av dagvalg/opphaldstid 
• Søknad om overføring av plass til annan SFO

Det skal nyttast elektronisk søknad for å sende inn søknad om endring. I den elektroniske søknaden må datoen det vert søkt endring frå førast opp.

Utviding av SFO-plass vert tildelt etter ledig kapasitet. Dersom endringa gjeld redusering av plass, er det ein månad oppseiingstid, rekna frå den 1. i månaden etter at meldinga er motteken.

Oppseiing av heile SFO-plassen

Ved oppseiing av heile SFO-plassen skal elektronisk skjema for oppseiing av plass nyttast. Etter vedtektene er det ein månad oppseiingstid, rekna frå den 1. i månaden etter at oppseiinga er motteken.