Hovudopptak barnehage og SFO 2012/2013
I samband med overgang til nytt arkivsystem i kommunane i Hallingdal, må søknader til hovudopptak for barnehage og SFO 2012/2013 (gjeld plass frå august 2012) ikkje sendast inn via det elektroniske søknadsskjemaet før etter 1. februar.
Dette vil ikkje få nokon innverknad på resultatet av opptaket, då ingen søknder som gjeld hovudopptaket vert handsama før etter at fristen 1. mars er gått ut.
Det elektroniske skjemaet gjeld i perioden 01.01.12-31.01.12 kun for søknad om plass for inneverande barnehageår (2011/2012).
Ved spørsmål, ta kontakt med barnehagefagleg ansvarleg i kommunen
Endring av tildelt plass/oppseiing av delar av plassen
Det kan søkjast om endring av tildelt barnehageplass. Det kan søkjast om fylgjande endringar:
- Søknad om utviding av plass
- Melding om redusering av plass
- Søknad om endring av dagval
- Søknad om overføring til annan barnehage
Det skal nyttast elektronisk skjema for å sende inn søknad om endring. I den elektroniske søknaden må datoen det vert søkt endring frå, førast opp.
Søknad om endring av barnehageplass vert tildelt etter venteliste ved ledig kapasitet. Dersom endringa gjeld redusering av plass, er det ein månad oppseiingstid, rekna frå den 1. i månaden etter at kommunen har motteke meldinga.
Oppseiing av heile barnehageplassen
Dersom heile barnehageplassen skal seiast opp, skal elektronisk skjema for oppseiing av plass nyttast. Dato for når plassen vert sagt opp frå må førast opp.
Ved oppseiing av barnehageplass, er det ein månad oppseiingstid, rekna frå den 1. i månaden etter at kommunen har motteke meldinga.