Arbeidsgjevar skal betale avgift av brutto løn og anna godtgjersle for arbeid og oppdrag i og utanfor tenesteforhold som han pliktar å lønsmelde. Arbeidsgjevaravgifta blir fastsett i prosent av det beløp som skal meldast for vedkomande år. Plikta til å betale arbeidsgjevaravgift gjeld sjølv om beløpet er friteke for meldeplikt på grunn av storleiken på beløpet, jf. folketrygdlova §23-2, 1 ledd. Det skal ikkje betalast arbeidsgjevaravgift når arbeidet eller oppdraget er utført som ledd i sjølvstendig næringsverksemd. Av godtgjersle til medlemmer i styre, representantskap, utval, råd og liknande skal det alltid betalast avgift av lønsinntekt, jf. folketrygdlova §23-2, 2 ledd.

Av naturalytingar og utgiftsgodtgjersler som skal dekke utgifter i samband med utføring av arbeid, oppdrag eller verv som er nemnd i skattelova §5-10 (1) a og b, skal det betalast avgift i den utstrekning naturalytingane og godtgjerslene skal takast med ved utrekning av skattetrekk, sjå skattebetalingslova §§5 og 6; jf. Folketrygdlova §23-2, 3 ledd.

Det skal betalast arbeidsgjevaravgift av arbeidsgjevar og det offentlege sitt tilskot til livrente- og pensjonsordningar. Det same gjeld pensjon frå arbeidsgjevar når pensjonen går frå etter 1. januar 1988, jf. Folketrygdlova §23-2, 4 ledd.